ഭൂമിയുടെ പാല്

ഒന്നര വയസ്സുള്ള എന്റെ മകള്‍ക്ക് വെള്ളമെല്ലാം പാലാണ്!
ടാപ്പില്‍ നിന്ന് വരുന്നതും വഴിയരുകില്‍ കെട്ടിക്കിടക്കുന്നതും മഴപെയുന്നതും എല്ലാം അവള്‍ക്കു പാല്...!! എത്ര തിരുത്തിയിട്ടും അവള്‍ പാലെന്നു തന്നെ വിളിക്കുന്നു.
ശരിയാണ് അവള്‍ പറയുന്നത് എന്ന് എനിക്ക് തോന്നി.ഭൂമി ചുരത്തുന്ന പാലല്ലേ ജലം? എത്ര അശ്രദ്ധയോടെ നമ്മള്‍ ഉപയോഗിച്ചു പാഴാക്കുന്ന ഈ ജലം പാല് തന്നെ.ഇനിയൊരു യുദ്ധമുണ്ടായാല്‍ വെള്ളത്തിന്‌ വേണ്ടിയകുമത്രേ.എന്നിട്ടും നമുക്കൊന്നും ഒരു കൂസലുമില്ല.
പിഞ്ചു കുഞ്ഞുങ്ങളില്‍ നിന്ന് പോലും ചിലതൊക്കെ പഠിക്കാനുണ്ടെന്നു തോന്നുന്നു.
....വളരുമ്പോള്‍ ഇവളും നിഷ്കളങ്കതയൊക്കെ നഷ്ടമായി നമ്മെ പ്പോലെയാകും.എങ്കിലും ഈ പ്രകൃതിയെയും പരിസ്ഥിതിയെയുമൊക്കെ സ്നേഹിക്കുന്ന ഒരുവളായി തീര്‍ന്നിരുന്നെങ്കില്‍ എന്ന് വെറുതെ ആശിച്ചു
പോകുന്നു....